Tabiatning fasllar almashinuvi yana bir bor o‘z sehrini namoyon qildi. Kecha kuzning mayin shamollari so‘nggi raqsini ijro etgan bo‘lsa, bugun tongni qishning oppoq nafasi qarshi oldi.

Qishning ilk kunida havoda o‘zgacha sokinlik, o‘zgacha poklik seziladi. Go‘yo tabiat insonni shoshqin hayot sur’atidan biroz to‘xtab, atrofni kuzatishga chorlayotgandek.

Qor yog‘ishi — bu nafaqat chiroy, balki baraka alomati. Yerga tushgan har bir oppoq zarrada kelgusi kunlarga umid, mehnat ahliga esa yangi mavsumga tayyorgarlik ruhi mujassam.

Shu bois qish – yurtimiz dalalari uchun muhim fasl. Yer aynan shu davrda o‘z bag‘rini to‘ydirib, bahorgi urug‘larga kuch yig‘adi. Hosilning serobligi ham mana shu fasldagi tabiiy mo‘’jizalarga chambarchas bog‘liq.

🤍 Yangi fasl barcha xonadonlarga tinchlik, osoyishtalik va baxt olib kelsin.
🤍 Qishning ilk kuni barchangizga muborak bo‘lsin!