Markaz loyihalari
Oʻzbekiston Respublikasi Qishloq xoʻjaligi vazirligi huzuridagi “Agrosanoatni raqamlashtirish markazi” MCHJ tomonidan taqdim etilayotgan xizmatlar.
“Crop Agro” axborot tizimi
Yerning tuproq tavsifi, suv bilan ta’minlanganligi va hududning ixtisoslashuvi ekinlarni joylashtirish, ya’ni kelgusi yil hosili uchun rejalashtirish oziq-ovqat xavfsizligini ta’minlashga xizmat qilsa, mazkur ma’lumotlarni shakllantirish davlat tomonidan mahsulot yetishiruvchilarni o‘z vaqtida qo‘llab-quvvatlashni tashkil etish uchun foydalidir.
“e-ijara” axborot tizimi
Oʻzbekiston Respublikasi Qishloq xoʻjaligi vazirligining qishloq xoʻjaligiga moʻljallangan yer uchastkalarini ijaraga berish boʻyicha materiallarni toʻplash, koʻrib chiqish va vakolatli tashkilotlar hamda idoralar bilan kelishishni amalga oshirishga moʻljallangan avtomatlashtirilgan axborot tizimi.
Qishloq xoʻjaligi vazirligi geoaxborot tizimi
Qishloq xoʻjaligi vazirligining ArcGIS dasturiy mahsuloti negizidagi oʻz geoaxborot tizimi 2021-yilning noyabr oyidan sinov rejimida ishga tushirilgan. Bugungi kunda ushbu tizim respublikamizning 4 ta vazirlik va idoralarining axborot tizimlari, shuningdek, Qishloq xoʻjaligi vazirligining quyi tashkilotlari axborot tizimlari bilan integratsiya qilingan.
“Agrosubsidiya” axborot tizimi
“Agrosubsidiya” axborot tizimi Qishloq xoʻjaligi mahsulotlarini ishlab chiqaruvchilarga subsidiyalar berish boʻyicha materiallarni toʻplash, koʻrib chiqish va vakolatli organlar va tashkilotlar bilan kelishish uchun moʻljallangan.
“Marketplace” elektron agrosanoat savdo portali
2022-yilda elektron agrosanoat savdo portali – “Marketplace” ishga tushiriladi. Fermerlar, qishloq xoʻjaligi mahsulotlari ishlab chiqaruvchilar, yirik klasterlar, agrologistika markazlari, qayta ishlovchilar, mayda va yirik savdo tarmoqlari savdo portali foydalanuvchilariga aylanishadi.
Toshkent Davlat Agrar Universitetida “Smart Campus” loyihasi
Ushbu loyiha foydali ma’lumotlarni yaratishga, talabaning reytingi va portfoliosi asosida talabalarning bilimlari ma’lumotlar bazalarini tuzishga yordam beradi. Shuningdek, universitetning oʻquv jarayoniga bir qator oʻzgarishlarni kiritadi. “Smart Campus” loyihasi ma’lumotlardan tezkor foydalanish imkoniyatini beradi, qishloq xoʻjaligini rivojlantirishga olib keladi.
“Agroplatforma” axborot tizimi
Yer tayyorlashdan to hosil yetishtirib, yakuniy hisob-kitoblarini amalga oshirishgacha boʻlgan zanjirdagi jarayonlarda fermer xoʻjaligi, ta’minotchi va xizmat koʻrsatuvchi tashkilotlar bilan oʻzaro hisob-kitob munosabatlari hamda toʻlov intizomini tizimli tartibga solishning yagona davlat axborot tizimi.
“ReAgro” axborot tizimi
Klasterlar qishloq xoʻjaligida agrosanoat majmuasini rivojlantirishda asosiy oʻrin tutadi, chunki ular bir-biriga bogʻlangan va oʻzaro bogʻliq boʻlgan kompaniyalar, fermer xoʻjaliklari, ilmiy markazlar, yetkazib beruvchilar va boshqa ishtirokchilar guruhlari boʻlib, ma’lum bir geografik hududda jamlangan hamda umumiy maqsadlar va ixtisosliklar bilan bogʻlangan. Yuqoridagilarni hisobga olgan holda, qishloq xoʻjaligida klasterlarni baholash va reyting tizimini ishlab chiqish yagona baholash tizimini yaratishga yordam beradi, bu esa belgilangan mezonlar va metodologiyalar asosida klasterlarni xolisona taqqoslash va reytingini aniqlash imkonini beradi.
Mijozlarimiz va hamkorlarimiz biz haqimizda
Biz bilan ishlaganlarning fikrlari va tilaklari bilan tanishishingiz mumkin. Balki keyingi fikrlarni aynan siz qoldirarsiz.
Xizmatlar tezkor va sifatli. Har bir bosqichda yordam berishdi. Minnatdormiz!
Texnik jamoa malakali, muammolar tez va to‘g‘ri hal qilindi. Yaxshi tajriba bo‘ldi.
Raqamli tizimlar orqali ishlarimiz yengillashdi. Bunday imkoniyatlar uchun rahmat.
