NASA Oy yaqinidagi birinchi kosmik stansiya qanday ko’rinishini ko’rsatdi

NASA kosmik stansiya qanday ko’rinishda bo’lishini ko’rsatdi, u Yer va Oy o’rtasida sayohat qilish uchun transport markazi bo’lib xizmat qiladi. Unga birinchi kosmonavtlar 2028 yilda tashrif buyurishi kutilmoqda.

Gateway komponentlari NASA, Yevropa kosmik agentligi, shuningdek, Kanada, Yaponiya va Birlashgan Arab Amirliklari kosmik agentliklari muhandislari tomonidan ishlab chiqilmoqda.

Stansiyaning asosiy elementi HALO moduli bo‘ladi, u kosmonavtlar tomonidan turar joy uchun hamda logistika, qo‘mondonlik va aloqa markazi sifatida foydalaniladi.

Unda bortda astronavtlar bo‘lmaganida stansiyaning avtonom ishlashiga imkon beruvchi uskunalar bo‘ladi. Ushbu modul tadqiqot loyihalarini ham joylashtiradi.

HALO stansiyani avtonom taʼmirlashni amalga oshirishga qodir robot qoʻl va quyosh panellari yordamida uni energiya bilan taʼminlaydigan komponent bilan jihozlanadi.

“Lunar View” deb nomlangan yana bir stansiya moduli turli jihozlar va yoqilg‘ini saqlash uchun ishlatiladi. U 2030 yilda o’rnatilishi rejalashtirilgan.