Navro’z ayyomingiz muborak bo’lsin!

Aziz yurtdoshlar va qadrli hamkasblar!

“Agrasanoat raqamlashtirish markazi” MChJ xodimlari sizlarni ezgulik, nafosat, yasharish, yangilanish, mehr-oqibat ayomi boʻlmish Navroʻz umumxalq bayrami bilan samimiy muborakbod etamiz. Ushbu kunda Sizlarni quvonch va shodlik tark etmasin! Oilangizga baxtu saodat, xonadonlaringizdan tinchlik-xotirjamlik va fayzu baraka arimasin!

Navroʻz xalqimizning eng sevimli bayramlaridan biri hisoblanadi. Chin maʼnoda bahor bayrami. Bunda dasturxonlar noz-neʼmatlarga toʻlib toshadi, deyarli har bir oʻzbek xonadonida doshqozonlarda sumalak qaynaydi. Yoshlarni aytmaysizmi, qizlar sochlariga jamalak taqishadi, bolalar va yigitchalar esa qoʻlga varrakni olib qir-adirlarga yugurib ketishadi.

O’zbekiston mustaqillikka erishgach, o’zbek xalqining qadimiy urf-odatlari va ana’nalari kuchga kirdi, jumladan Navro’z bayramini nishonlash o’ziga xos tusga ega bo’ldi. Bu bayram barcha xalqlarning do’stlik va birlik ramziga ega bo’lgan umumxalq bayramidir.