Agrosanoatni raqamlashtish markazi va Birlashgan millatlar tashkilotining oziq-ovqat va qishloq xo‘jaligi tashkiloti bilan uchrashuv bo’lib o’tdi

Uchrashuv doirasida markaz faoliyati, markaz tomonidan yo‘lga qo‘yilgan va ishlab chiqilayotgan axborot tizimlari haqida batafsil maʼlumot taqdim etildi. Bunga misol tariqasida qishloq xo‘jaligi sohasiga ilg‘or raqamli texnologiyalarni keng joriy qilish orqali yer va suv resurslaridan samarali foydalanish, ekinlar holatini monitoring qilishning idoralararo axborot tizimlarini joriy etish belgilanganligi hamda “Agroplatforma” axborot tizimining imkoniyati, afzalliklari va boshqa axborot tizimlari haqida to‘liq tushuntirishlar berildi.

Uchrashuv yakunlariga ko‘ra, hamkorlik qilish va o‘zaro manfaatli loyihani amalga oshirish masalalari kelishib olindi.